Serok Barzanî li gel hejmarek mamostayên ser bi Wezareta Perwerde ya Hikumeta Herêma Kurdistanê civiya


KRP.org | |
30/08/2017
Roja çarşem 30.08.2017 li bajarê Hewlêrê, birêz Mesûd Barzanî Serokê Herêma Kurdistanê li gel hejmareke zêdeyê ji mamostayan û birêvebirên xwendingehên bajarê Hewlêrê civiya.

Di destpêkê de Serokê Herêma Kurdistanê, pesnê xweragirî û ked û zehmetiyên mamostayan kir, ku bi sedema qeyrana darayî û kêmiya mûçeyê rê nedan proseya xwendinê li xwendingehan rawestê û balkişand li ser wê yekê û got: Bi pîroziya erkê we û bi şanaziyê ve li sala 1991 ve heta îro we nehiştiye proseya xwendin rawestê, eve serweriye ku we ji bo xwe û mîlletê xwe tomarkiriye û hêjayî wê yekê ne ku berdewam bi spas û pêzanînê ve navên we bê bîranîn.

Li beşekî dinê gotara xwe da Serok Barzanî, tîşk xiste li ser rol û erkê pîroza mamosta li pêgihandina nifşên paşarojê û mamostayan bi dinamoya dirustkirina serkirde û nifşeke tendirustê mîllet û civakê wesif kir. Bi erkê Hikûmeta Herêma Kurdistanê jî zanî hewlên xwe yên ji bo baştirkirina jiyan û guzeraniya mamostayan bihêztir bike.

Di derbarê pirsa referandûmê ve birêz Serok Barzanî balkişand li ser wê yekê ku ev biryar raste li 7ê hezîrana îsal hêzên siyasiyan û gelê Kurdistanê biryarê lêdaye, lê belê eve mafekî siruştiya Herêma Kurdistane û hîç tiştek ji vê proseyê bi nirxtir nîne, bi taybetî ku şeraketa rasteqîne û beşdarîkirina arezûmendaneya me li gel Bexda hîç encamekî nebû, ji bo wê yekê li rûniştina 7ê hezîranê hêz û aliyên Kurdistaniyan biryar dan 25ê eylûl bê diyar kirin ji bo encamdana referandûmê.

Serok Barzanî biryara encamdana referandûmê ji bo hemû gelê Kurdistanê vegerand û carekî din redkir, ev biryara tak kes ya take hizbî bê, belku eve yê gelê Kurdistane û bi tu awayekî jî li paşxistina wê nîne.

Di derbarê peywendiyên di navbera Hewlêr û Bexda, Serok Barzanî balkişand li ser wê yekê li gor çendîn qonaxan Kurd beşa xwe li vî welatî da ji navbirin û ruxandina gund û enfal û kîmbaranê bûye, ji niha de jî amade nîne paşaroja xwe bide destê çarenivîsekî nediyar ve, ji bo wê yekê biryar hatiye dayîn bi awayeke aştiyane û dûrî li tunditîjiyê referandûmê encambide û paşaroja xwe diyar bike.

Serok Barzanî pesnê biryara Encûmena Parêzgeha Kerkûkê û çend yekeyekî îdarî ya navçeyên derveyê Herêma Kurdistanê kir ku biryarê dane beşdarî li referandûmê bikin û daxwaz jî kir tu karvedanek beramber bi wan xelkan ve nîşan nedin dijî vê biryarêne, belku bi awayeke birayane û li ser bingeha pêkvejiyanê li gel wan de muamele bê kirin.

Mamostayan jî ji aliyê xwe ve tekez kirin ku bi qelem û zanist û perwerde heman rola Pêşmerge dibînîn ji bo serbixweyî ya Kurdistanê û piştevaniyê li referandûm û dengê (Belê) bikin.

Ji bo temaşekirina videoya vê gotarê ji kerema xwe li ser vê nivîsê bitikînin...




SOURCE:: KRP PAGE HIT:: 161