پەیامی هاوخەمیی سەرۆكی هەرێمی کوردستان بەبۆنەی كۆچی دوایی شێخ محەمەد شێخ سلێمان شاکەلی


KRP.org | |


09/01/2017
بەناوی خودای مەزن و دلۆڤان

بەڕێزان کاک فەرهاد شاکەلی و ئەمجەد شاکەلی

هەواڵی كۆچی دوایی باوکی بەڕێزتان، کەسایەتیی ناوداری ئایینی و کۆمەڵایەتیی کوردستان، شێخ محەمەد شێخ سلێمان شاکەلی، خەمباری کردم.

شێخ محەمەد وەک دۆستێکی ئێمە و دڵسۆزێکی ڕێبازی کوردایەتی و مرۆڤێکی خاوەن هەڵوێست و خۆشەویستی ناو خەڵک، هەمیشە جێگای ڕێز و تەقدیر بووە و لەدەستدانی خەسارەتێکی گەورەیە.

لەم بۆنە خەمناکەدا لە دڵەوە سەرەخۆشی لە ئێوەی بەڕێز و خانەوادەی بەڕێزتان و کەسوکار و خزمان و ئاشنایانتان دەکەم و هاوبەشی خەمتانم.

لە خودای گەورە داواكارم گیانی پاکی شێخ محەمەد بباتە بەر ڕەحمەتی خۆی و دڵنەوایی و ئارامییش بە هەموو لایەك ببەخشێت.

انا لله و انا الیه راجعون

مسعود بارزانی

٩ـی ١ـی ٢٠١٧




SOURCE:: KRP PAGE HIT:: 101