سه‌رۆكی هه‌رێمی كوردستان پێشوازی له‌ ئه‌مینداری گشتی یه‌كگرتووی ئیسلامی كوردستان ده‌كات


KRP.org | |


09/02/2017
ئه‌مڕۆ پێنجشه‌ممه‌ 9-ی 2-ی 2017 به‌ڕێز مسعود بارزانی سه‌رۆكی هه‌رێمی كوردستان پێشوازی له‌ به‌ڕێز مامۆستا سه‌لاحه‌دین به‌هائه‌دین ئه‌مینداری گشتی یه‌كگرتووی ئیسلامی كوردستان كرد.

له‌دیدارێكدا گفتوگۆ له‌باره‌ی بارودۆخی ناوچه‌كه‌ به‌گشتی و پرۆسه‌ی سیاسی له‌ عێراق و په‌یوه‌ندییه‌كانی نێوان هه‌رێمی كوردستان و به‌غدا كرا و تیشكخرایه‌ سه‌ر كاریگه‌ری ئه‌گه‌ر و پێشهاته‌كانی دوای تێكشكاندنی داعش به‌سه‌ر هه‌رێمی كوردستان. له‌و دیداره‌دا به‌له‌به‌رچاوگرتنی ده‌رفه‌ت و ته‌حه‌دیاته‌كان جه‌خت له‌ بایه‌خی یه‌كڕیزی و یه‌كهه‌ڵوێستی هێز و لایه‌نه‌ سیاسیه‌كانی كوردستان كرایه‌وه‌ و هه‌نگاوه‌كانی چاره‌سه‌ركردنی كێشه‌ و كه‌موكوڕییه‌كانی هه‌رێمی كوردستان تاوتوێكرا و لێكتێگه‌یشتن و هاوڕاییه‌كان بۆ ته‌واوی پرسه‌كان به‌ سه‌ره‌تایه‌كی ئه‌رێنی دانرا بۆ چاره‌سه‌ركردنی كێشه‌كان، كه‌ ببێته‌ هۆی باشكردنی باروگوزه‌رانی خه‌ڵكی هه‌رێمی كوردستان.




SOURCE:: KRP PAGE HIT:: 360