سەرۆكی هەرێمی كوردستان لەگەڵ ژمارەیەك لە ئەندامانی ڕێكخراوی نێودەوڵەتیی شاندێ بۆ گفتوگۆ كۆبۆوە


KRP.org | |


06/07/2017
ڕۆژی پێنجشەممە 6ـی 7ـی 2017 لە سەلاحەددین بەڕێز مەسعود بارزانی سەرۆكی هەرێمی كوردستان بە مەبەستی گفتوگۆكردن لەبارەی ڕیفراندۆم و سەربەخۆیی كوردستان پێشوازی لە ژمارەیەك لە ئەندامانی ڕێكخراوی نێودەوڵەتیی (شاندێك بۆ گفتوگۆ) كرد كە پێكهاتبوو لە قوتابی و توێژەرانی بواری زانستی و فەلسەفەی سیاسیی لە وڵاتانی ئەوروپا.

لەو كۆبوونەوەیەدا سەرۆك بارزانی بە وردی ئەو هۆكارانەی بۆ ئامادەبووانی كۆبوونەوەكە شی كردەوە كە هانی گەلی كوردستانی داوە بەرەو ڕیفراندۆم و سەربەخۆیی هەنگاو بنێت و ڕۆشنایی خستەسەر مێژووی گەلی كوردستان لەگەڵ دەوڵەتی عێراق و ئەو نەهامەتییانەی كە لە لایەن حكوومەتە یەك لە دوای یەكەكانی عێراقی بەرانبەر گەلی كوردستان ئەنجام دراون و ڕایگەیاند كە دەوڵەتی عێراق لەسەر بنەمای شەراكەتی گەلی كوردستان و عێراق بنیات نرا بەڵام ئەو شەراكەتە پێشێل كرا و بەشی گەلی كوردستان لەو شەراكەتە ئەنفال و جینۆساید و وێرانكاری و كیمیاباران بووە و لە قۆناغی دوای 2003ـیش گەلی كوردستان بە شێوەیەكی ئارزومەندانە بڕیاری دا كە لەگەڵ دەوڵەتی عێراق یەك بگرێتەوە و ڕۆڵێكی سەرەكی بینی لە بنیاتنانەوەی عێراق و نووسینەوەی دەستوور بۆ عێراقی فیدرالی و دیموكراتی بەڵام بەداخەوە دەستوور پێشێل كرا و كار گەییشتە بڕینی قووتی خەڵكی كوردستان و تەنانەت شیری منداڵانی كوردستانیش. لە درێژەی وتەكانیدا سەرۆك بارزانی ئاماژەی بەوەدا كە بە پێچەوانەی ڕێككەوتنەكان پێشمەرگە كە بەشێك بوو لە سیستەمی بەرگریی عێراق، لە لایەن حكوومەتی عێراقی ئابڵوقەی خرایە سەر و لە سەرەتای شەڕی داعشدا پێشمەرگە چەكی نەبوو بەرگریی لە كوردستان بكات. سەرۆك بارزانی سوپاسی هاوكاریی وڵاتانی هاوپەیمانی كرد و ئەوەی خستەڕوو كە پێشمەرگە بە خوێن و قوربانیدانی خۆی ئەفسانەی داعشی تێكشكاند. سەبارەت بە ئاییندەی كوردستان سەرۆك بارزانی جەختی لەوە كردەوە كە مادام پڕەنسیبی شەراكەت و دەستوور پێشێل كراوە گەلی كوردستان نایەوێ چیتر پاشكۆ و ژێردەست بێت و بكەوێتە نێو بازنەی بێكۆتایی شەڕ و توندوتیژی و ئەزموونی شكستخواردووی سەد ساڵی ڕابردوو دووبارە ببێتەوە.

سەرۆك بارزانی جەختیشی لەوە كردەوە كە ویست و داواكارییەكانی گەلی كوردستان لەڕێگەی ئاشتیانە و دیالۆگ و دوور لە توندوتیژی پیادە دەكرێت و ڕیفراندۆم و هەنگاونان بەرەو سەربەخۆیی ڕێگە لە قووڵتربوونی گرفتاكان و شەڕی دیكە دەگرێت و دەمانەوێ بە ئاشتی لەگەڵ دراوسێكانمان و گەلانی ناوچەكە بژیین.

هەر لەو كۆبوونەوەیەدا قوتابی و توێژەرە بەشداربووەكان چەند پرسیارێكیان لەبارەی سیستەمی سیاسی و ڕیفراندۆم و ئەگەر و پێشهاتەكان خستەڕوو و سەرۆك بارزانیش وەڵامی پرسیارەكانی دایەوە و پەیوەست بە چارەنووس و مافی پێكهاتەكان سەرۆك بارزانی ئەوەی خستەڕوو كە گەرەنتییەكی تەواو دەدەین كە كوردستان ببێتە نموونەی پێكەوەژیان و پێكهاتەكان هەر چۆنێك بیانەوێ و بە چی دڵنیا دەبن، بەمشێوەیە لەگەڵیاندا دەژیین. لەبارەی ناوچە دابڕێندراوەكانی دەروەی ئیدارەی هەرێمیش سەرۆك بارزانی ئاماژەی بەوەدا كە حكوومەتی عێراق جێبەجێكردنی مادەی 140 پشتگوێ خست و ئێستایش دانیشتوانی ئەو ناوچانە ئەو مافەیان هەیە بڕیار لە چارەنووسی خۆیان بدەن و بەشداری لە ڕیفراندۆم دەكەن و پێویستە هەموو لایەكیش ڕێزی ئەو بڕیارە بگرن.




SOURCE:: KRP PAGE HIT:: 204  


iraq kurdistan
​بە بەشداریی سەرۆک بارزانی، لە شاری سلێمانی کەرنەڤاڵێکی گەورەی پشتگیریی لە ڕیفراندۆمی سەربەخۆیی بەڕێوەچوو
​بە ئامادەبوونی سەرۆک بارزانی، لە سۆران کەرنەڤاڵی پشتگیریی ڕیفراندۆمی سەربەخۆیی بەڕێوەچوو
سوپاسنامەیەک لە سەرۆکی هەرێمی کوردستانەوە
سەرۆک بارزانی لەگەڵ نوێنەرانی پێکهاتەکانی دەشتی نەینەوا کۆبۆوە
بە بەشداریی سەرۆک بارزانی، لە دهۆک کەرنەڤاڵی پشتگیریی لە سەربەخۆیی بەڕێوە چوو
پەیامی سەرۆكی هەرێمی كوردستان بۆ گردبوونەوەی پشتگیریی ڕەوەندی كوردستانی لە ڕیفراندۆم لە وڵاتی سوید
سەرۆک بارزانی بەشداریی لە کەرنەڤاڵی جەماوەری ئامێدی بۆ پشتگیریی لە ریفراندۆمی سەربەخۆیی کرد
سەرۆک بارزانی بەشداریی لە کەرنەڤاڵی جەماوەری زاخۆ بۆ پشتگیریی لە ریفراندۆمی سەربەخۆیی کرد
بە بەشداریی سەرۆک بارزانی، لە ئاکرێ ئاهەنگێکی جەماوەری بۆ پشتگیریی لە ریفراندۆمی سەربەخۆیی بەڕێوەچوو
سەرۆکی هەرێمی کوردستان لەگەڵ نوێنەرانی پێکهاتەکانی کەرکووک کۆبۆوە