دەقی ئوتاری سەرۆك بارزانی لە مەراسیمی ساڵیادی كارەساتی شنگال


KRP.org | |


03/08/2015
ب ناڤێ خودێی‮ ‬مەزن و دلۆڤان

جەماوەرێ خۆشتڤیێ كوردستانێ‮. ‬پێشمەرگێن قەهرەمان‮. ‬كەسوكارێن سەربەرزێن شەهید وقوربانیان‮. ‬مێڤان و ئامادەبوویێت بەڕێز‮..‬

ئەڤڕۆ ساڵەك دەربازدبیت ب سەر هێرشا وەحشیانە‮ ‬یا رێكخراوا تیرۆریستی‮ ‬یا داعش بۆ سەر كوردستانێ و هەروەها‮ ‬یەك ساڵ دەربازدبیت بسەر كومكوژیا كو ل شنگالێ روودای‮.‬

د ڤێ رۆژێدا من رێز و حورمەتەكا زۆر‮ ‬یا هەی‮ ‬بۆ‮ ‬یەك‮ ‬یەك پێشمەرگێن كوردستانێ و سڵاڤ بۆ گیانێ پاكێ هەمی‮ ‬شەهیدان و ئەز بەشدارو هەڤ خەمێ‮ ‬یەك‮ ‬یەك بنەماڵێت شەهیدو ئێخسیرانم،‮ ‬هەڤ خەمێ هەمی‮ ‬بنەماڵێت كچ و خوشكێن كوردێن‮ ‬ڕەڤاندی‮ ‬یێن كوردێن ئێزدیمە،‮ ‬خودێ سەبرو تەحەمولێ بدەتە مە هەمیا قوەتێ بدەتە مەو هەمی‮ ‬ئەو تاوانبار بسزایی‮ ‬خۆ بگەن‮.‬

هێزو دڕندەییا داعشان دنیا لەرزاند،‮ ‬ئەمما الحمدللە ل كوردستانێ پێشمەرگێت قەهرەمان ئستورا داعش تێكشكاندو ئیسبات كرد بۆ دنیایێ كو ب چەكەكێ زۆرێ كەڤن پێشمەرگا هێزەكا دڕندەیا كو داعشن،‮ ‬تێكشاند،‮ ‬كو باشترین چەك د دەستێ واندابوو و ب ڤێ قەهرەمانیێ و ب خوینا شەهیدا ناڤ و بانگێ مللەتێ كورد گەهشتە هەمی‮ ‬جیهانێ و هەڤڕۆ هیچ وڵاتەك و هیچ جهەك نییە د دنیایێ دا كو ب شانازیەڤە بەحسێ قەهرەمانێا پێشمەرگەی‮ ‬و گەلێ كوردستانێ نەكەن‮.‬

الحمدللە زۆر دەڤەر هاتنە رزگاركردن و هێشتا هندەك جه‮ ‬یێت مای،‮ ‬یەك ل وان نیڤەكا باژێرێ شنگالێیە و دەوروبەرێ وێ،‮ ‬نە مموكینە ئەم راوەستین هەتا تەمامێ ئاخا خۆ ل دەستی‮ ‬دوژمنێ خۆ رزگارنەكەین،‮ ‬ئەمما مە دڤێ وەختێ ئەم وێ بكەین كو خەڵك بشێت ڤەگەڕێت بۆ جهێت خۆ،‮ ‬ئەڤێ ژی‮ ‬بەرنامەیەكێ مەزن‮ ‬یێ پێش،‮ ‬كو گرێدایە ب هندەك عەمەلیاتێت مەزن ڤە،‮ ‬كو حكومەتا عێراقێش دێ بەشداربیت تێدا و ب پشتیڤانیا هەڤپەیمانا،‮ ‬لبەر هندێ ئەم د چاڤڕێیینە‮.‬

بەس من ل ڤێ قاعێ،‮ ‬ئەز بێژم ل دەوروبەرێ بیستێ هەیڤا دەه بوو،‮ ‬من گۆتە هەوە خوشك و برایێت ئێزدی،‮ ‬انشااللە زۆر پێ ناچێت،‮ ‬ئەمما ئەگەر سەد ساڵ پێبچن،‮ ‬سەد رۆژیش پێبچن،‮ ‬ئەم دێ شنگالێ گرینەڤەو ئەم دێ چیایێ شنگالێ رزگاركەین و دێ رێكێش بۆ شنگالێش ڤەكەین‮.‬

هەر دیسا ل بیستێ هەیڤا دوازدە بوو ل چیایێ شنگالێ،‮ ‬بۆ من وەكو رۆژەكا نوو بوو د ژیانا من دا،‮ ‬ژیانەكا نوو بوو،‮ ‬ل وێرێ بسەربەرزی‮ ‬دگەل وان پێشمەرگا و وان خۆڕاگرا وان قەهرەمانا و وان خانەوادیێت كو ل وێرێ مای،‮ ‬من دیت كو ب چ قەهرەمانی‮ ‬ئەڤ دەڤەرە هاتە رزگاركردن،‮ ‬و ل سەرێ وی‮ ‬چیای‮ ‬من گۆتە گەلێ كوردستانێ كو ئەز مزگینیێ بدەمە خۆ و بدەمە هەوەش كو چیایێ شنگالێ رزگاربوو‮.‬

مشكیلا مەزن‮ ‬یا مە خوشك و برایێت مە،‮ ‬ئەڤەیە مە خەلەلەكا مەزن د مەسەلا جوغرافیدا هەبوو،‮ ‬هەرێما كوردستانێ د گەل شنگالێ مەسافەیەكا زۆر زۆرا درێژ،‮ ‬دوژمنێ مە تێدا بەینا وان،‮ ‬وەختێ كو ئەز هاتەمە ڤێ دەڤەرێ من زۆر تەخمینا خۆ تێدا كرد،‮ ‬هەتا ئەم پشتا خۆ قایم نەكەین،‮ ‬هەتا ئەم رێكێت خۆ ڤەنەكەین،‮ ‬ئەم پێناوەستین زەمانەتێ بدەین ئەم دێ چینەڤ شنگالێ،‮ ‬لبەر هندێ سەربەرزانە پێشمەرگێت قەهرەمان ب حدودێ حەفت هەزار كیلۆمەترا ب خوینا خۆ رزگاركردن بۆ هندێ هە شنگالێ هەتا دگەتە دهۆكێ و هەتا زاخۆ و هەتا د گەتە سحێلا،‮ ‬ب سەربەرستی‮ ‬و ب ئازادی‮ ‬زارۆك بێت هاتوچۆیێ بكەت،‮ ‬كەسەكی‮ ‬دی‮ ‬جورئەتێ بكەت جارەكا دی‮ ‬رێكێ لێبگریت‮.‬

وەختێ كارەساتا شنگالێ روودای،‮ ‬جەنابێ بابەشێخ دگەل جەهایێت ئێزدییا هاتنە نك من،‮ ‬دوو رۆژ سێ رۆژ پێچۆبوون،‮ ‬ئەز چ جارا رۆنكێت بابەشێخ ل بیرناكەم،‮ ‬من گۆتێ بابەشێخ ئەڤە تو و ئەڤ وجەهایێت ئنگۆ،‮ ‬باوەڕ‮ ‬بكەن دلێ من ل‮ ‬یێ ئنگۆ بریندارترە و ئەز ل ئنگۆ موتەئەسرترم،‮ ‬بەس ئەز دێ ڤی‮ ‬وەعدی‮ ‬دەمە ئنگۆ شەرت بی‮ ‬ئەز دێ رحا لسەر دانێم و ڤێ تۆڵێ ل ڤان دوژمنان ڤەكەم‮. ‬من گۆتێ من نەشڤێ تو وێ تەخمینێ بكەی‮ ‬یان جارەكا دی‮ ‬ڤێ تیكرارێ بكەیەڤەو پێژیە من ئێزدخانە تەمام‮. ‬ئێزدخانە تەمام نابی،‮ ‬چونكی‮ ‬كوردستان تەمام نابی‮. ‬ئێزدخانەو ئێزدی‮ ‬یەعنی‮ ‬كورد‮. ‬یەعنی‮ ‬كوردستان‮.‬

د وەختێ خۆدا من گۆت كو كوردێت رەسەن ئێزدینە،‮ ‬قەد من ئەو ل خۆڤە نەگۆت،‮ ‬چونكی‮ ‬ب حەقیقەت ئێزدیا رەسەنەتیا كوردا‮ ‬یا پاراستی‮ ‬و ئەو باجی‮ ‬كو دایش ئێزدیا مومكینە‮ ‬یەك ل سەببا ئەوە چونكی‮ ‬كوردایەتیا خۆ‮ ‬یا پاراستی،‮ ‬دینێ خۆ بكوردی‮ ‬یێ پاراستنی،‮ ‬عادات و تەقالیدێت‮ ‬كوردا‮ ‬یێت پاراستی،‮ ‬زمانێ خۆ‮ ‬یێ پاكژ‮ ‬یێ كوردی‮ ‬یێ پاراستی‮.‬

لبەر ڤێ هندێ ئەز زۆر ب ئەرك دزانم و لسەر مەژی‮ ‬واجبە ئیهتیمامەكا زێدەتر ب ئێزدیا بدەین،‮ ‬ئەز زۆر باش دزانم كو درێژاییا مێژوویێ دا چ‮ ‬غەدر و زوڵم ل ئێزدیا هاتیەكردن،‮ ‬هەم ل ناحیا نەتەوەییڤە‮ ‬هەم ل ناحیا ئۆلی‮ ‬ڤە،‮ ‬لبەر وێ‮ ‬یەكی‮ ‬وەختێ كو فوڕسەت بوو و مەجال بوو هەمی‮ ‬شیانێت خۆ مە بكارئێنان بۆ هندێ كو كوڕ‮ ‬و كچێت ئێزدی‮ ‬باوەڕی‮ ‬ب خۆ پەیدا بكەن،‮ ‬هەمی‮ ‬تاكەكێ كورد،‮ ‬بەس بتایبەتی‮ ‬ئێزدی،‮ ‬كو بەرەڤ ئایندەیەكێ گەش بچن و ئومێدەكا مەزن بۆ دروست بووبی،‮ ‬تەسەوورێ نەكەن د بندستن و دێ جارەكا دی‮ ‬تووشی‮ ‬غەدر بن‮.‬

ئەوا بسەرێ ئێزدیا هاتی‮ ‬خەلەكەیەكە ل وێ زنجیرا كو ب سەرێ مللەتێ كورد هاتی،‮ ‬وەكی‮ ‬وێیە كو دوازدە هەزار كوڕ‮ ‬و كچێت فەیلی‮ ‬ئەڤڕۆش د بێسەروشوینن،‮ ‬هەشت هەزار بارزانی‮ ‬ئەڤڕۆش د بیسەروشوینن،‮ ‬سەدوهەشتێ هەزار كوڕو كچێت مە هە گەرمیان بگرە و هەتا دگەهتە زاخۆ د بێسەروشوینن‮. ‬ئەڤەش درێژەپێدەرا وان كارەساتایە،‮ ‬یا وان مسیبەتایە كو بسەرێ مللەتێ كورد هاتی‮. ‬مومكینە زۆر كەس دێ بیژی‮ ‬راستە بۆ مە زۆر برینەكا كوورە‮. ‬نامووسا مە نەچۆ،‮ ‬نامووسا خوشك وبرایێت مە‮ ‬یێت ئێزدی‮ ‬نەچۆ،‮ ‬بەلێ وان ئیسبات كرد كو وان نە نامووس هەیە نە ئەخلاق هەیە نە دین هەیە‮. ‬فەقیرەكێ كچكەكێ تو بگری‮ ‬دێ تە پێ چێبی‮ ‬بكوژی،‮ ‬هەرچی‮ ‬تو لێ بكەی،‮ ‬ئەو مێرانی‮ ‬نییە،‮ ‬ب نیسبەتا من ئەو كەچكێت ئێزدی‮ ‬هیمایێ شەڕەفا كوردە‮.‬

الحمدللە هەتا نها خودێی‮ ‬فوڕسەتا دای‮ ‬زۆر ل وان موجریما‮ ‬یێت گەهشتینە جەزایێ خۆ و ئەز دێ وی‮ ‬وعدیش دەم،‮ ‬ئەوێن كو ئەڤ تاوانە كردی‮ ‬هەتا‮ ‬یەك نەفەرێ وان مابی‮ ‬ل هەر جهەكی‮ ‬بن،‮ ‬ئەم ل دو وان ڤەنابین لازمە بگەهنە جەزایێ خۆ،‮ ‬ئەمما د رێكێن ئسوڵی‮ ‬ڕا د رێكێن قانونی‮ ‬ڕا،‮ ‬تەوسییا من بۆ خوشك و برایێت مە‮ ‬یێت ئێزدی‮ ‬ئەوە نەكو وەبی‮ ‬بەرێ خۆ بدەنە تۆڵ ڤەكرنەیەكا عەشوائی‮ ‬یان كو نەتیجە ب زەرەرا وان تەمام ببی‮ ‬و ب زەرەرا میللەتێ وانیش تەمام ببی‮. ‬هەزاران ل وان موجریما كەلەشێت وان‮ ‬یێت كەفتیە مەیدانێت شەڕی،‮ ‬ئەم دێ ب مێرانی‮ ‬تۆڵا خۆ ڤەكەین،‮ ‬ئەو نامەردن،‮ ‬میللەتێ مە مللەتەكێ مەدە،‮ ‬پێشمەرگێ پێشمەرگەیەكی‮ ‬مەردە،‮ ‬ل بەر هندێ وەختێ خۆژی‮ ‬من گوتە وان خوشك و برایێت مە‮ ‬یێت ئێزدی،‮ ‬من گۆتێ لازمە بیر ل هندێ نەكەنەڤە كو خودێی‮ ‬فەرسەت دا تۆڵەیەكا كۆركۆرانە بێتە ڤەكردن،‮ ‬چونكی‮ ‬نەنتیجە پاشی‮ ‬دێ ب عەكسی‮ ‬ڤەكەڕێت،‮ ‬ئەم دێ ئیحتیراما قانونێ گرین،‮ ‬ئەو كەسێ كو‮ ‬یێ بێ گوناح بیت مە چ دگەل دا نییە،‮ ‬ئەو كەسێ كو زەرەر نەكردبیت مە چ دگەل نییە،‮ ‬ئەم ناكەینە مللەتا،‮ ‬ئەم ناكەینە شەڕێ ئاینا،‮ ‬یێ مەزهەبی،‮ ‬بەس واللهی‮ ‬ئوێت كو تاوان كردی،‮ ‬تەعەدا كردی،‮ ‬خاسەتەن مەسەلا نامووسێ و ئەوێت كو هاروكاری‮ ‬بۆ كردی‮ ‬و ئەوێش چاڤساغی‮ ‬بۆ كردی‮ ‬و ئەوێش رێك بۆ خۆش كردی،‮ ‬هەمی‮ ‬ب نسیسبەت مە موجرمن و چ عەفوبوونێت وان نینە و هەمی‮ ‬ژی‮ ‬دڤێ بگەهنە جەزایێ خۆ،‮ ‬ئەڤە خاڵەكە كو من پێخۆش بوو بۆ ئنگۆ روونبكەمەڤە‮. ‬

خوشك و برایێت خۆشتڤی‮. ‬گەڵەك زۆرداری‮ ‬مللەتێ مە‮ ‬یێت دیتی،‮ ‬و من بخۆ زۆر و بچاڤێ خۆ زۆر كارەساتێت دیتی‮ ‬كو ب سەر مللەتێ من هاتی،‮ ‬بەس باوەڕ‮ ‬بكەن هیچەك ل وان كارەساتا هندێ ئەڤ كارەساتا بسەر خوشك و برایێت مە‮ ‬یێت ئێزدی‮ ‬هاتی‮ ‬دڵێ من بریندار نەكرد‮.‬

ئەز شانازیێ ب هەمی‮ ‬كوردستانێ دكەم،‮ ‬هەمی‮ ‬كوردستان بۆ مە‮ ‬یا پێرۆزە،‮ ‬هەمی‮ ‬دار و بەردەكێ كوردستانێ ل هەر پاچەیەكا كوردستانێ،‮ ‬بەس وەكی‮ ‬من گۆتی‮ ‬ئەڤێ كارەساتێ هند ئەم برینداركردین،‮ ‬كو من شعور ب برینداربوونا ئنگۆ دكردو‮ ‬یا مللەتێ كورد دكرد،‮ ‬لبەر هندێ من ئەو وعدێ من دایە‮ ‬جەنابێ بابەشێخ من هەمی‮ ‬واجبێت خۆ و تشتێت خۆ تەرك كردن و ئەز هاتم بۆ ڤێ مەنتیقێ،

رزگاركردنا ب تنێ چیایێ شنگالێ و دەوروبەرێ شنگالێ كافی‮ ‬نەبوو،‮ ‬ئەگەر مە مەنتیەقە هەمی‮ ‬باكژ نەكردبا،‮ ‬هیچ،‮ ‬دا عەینی‮ ‬كارەسات بسەرێ مە هێتەڤە،‮ ‬هەر قوەتەكا تو بینی‮ ‬ل دنیایێ ئەگەر پشتا تە‮ ‬یا قایم نەبیت،‮ ‬مومكین نییە ئەو قوەت پێ بوەستیت چ بكەت،‮ ‬نە ئەو مللەتێ كو ل وێرێ دژیت ئیعتیمادێ ب مستەقبەلێ خۆ بكەت،‮ ‬ل بەر هندێ ئەڤ خوینا كو مە دای‮ ‬كو ب سەدان شەهیدو قەهرەمان مە دان،‮ ‬هەمی‮ ‬هەدەفێ مە پێ ئەوبوو كو ئەم شەنگالێ گرێ بدەینەڤە ب هەرێما كوردستانێ و الحمدللە ئەڤە تەمام بوو‮.‬

بیر ل هندێ نەكەنەڤە جارەكا ئەم دێ ڤێ مەنتەقێ تەسلیمی‮ ‬یەكێدی‮ ‬كەین،‮ ‬گەلەبا من ئەوە ل حكومەتا هەرێمێش هەمی‮ ‬ئیمكانیاتێت خۆ بكاربینیت،‮ ‬هەرچەندە ڤێ گاڤێش‮ ‬یا د قەیرانەكا ئابووریشدا هەرێما كوردستانێ،‮ ‬تەقسیریش نەكردیە،‮ ‬ئو ب جددی‮ ‬بیر ل هندێ بێتە كرنەڤە ئیدارەیەكا تایبەت بۆ شنگالێ بێتەدانان،‮ ‬ئو دێ ب جددیش كار لسەر بیر كەین هەتا دگەل بەغاش،‮ ‬كو ئەسڵەن ببیتە پارێزگەهەك،‮ ‬ئەڤ مەنتەقا‮ ‬غەربێ دیجلە،‮ ‬و لێرەدا ئەز زۆر ب فەر دزانم،‮ ‬پڕ‮ ‬ب دڵ ئەز_سوپاسیا خەڵكێ پارێزگەها دهۆكێ بكەم و هەمی‮ ‬گەلێ كوردستانی،‮ ‬بەس بتایبەتی‮ ‬خەڵكێ ڤێ دەڤەرێ،‮ ‬كو دڵ و دەرگەه و ماڵ و هەمی‮ ‬تشتێ خۆ ڤەكر بۆ ئەو خوشك و برایێت خو ئەوێت لێقەومای،‮ ‬و ئەز سوپاسیا ئیدارا پارێزگەها دهۆكیش دكەم،‮ ‬چونكی‮ ‬زەحمەتەكا زۆر كێشا،‮ ‬دەرمانێ دوماهیێش بۆ ڤێ مشكیلێ ئەوە،‮ ‬كو ڤی‮ ‬خەڵكە ببەینەڤ سەر جه وریێت وان،‮ ‬سەر گوندێت وان و باشترین خەدەمات بۆ بێنە تەقدیم كردن،‮ ‬یەك ل وان ئەوە ئەڤ مەشروعێ ئاڤێ كو دبێژنێ رەی‮ ‬جەزیرە،‮ ‬كو ئاڤا كوردستانێیەو ئاخا كوردستانێیە وەشنەكردیە كو گوندەكێ كوردا،‮ ‬ماڵەكا كوردا ئیستیفادە ل‮ ‬یەك قەترا ئاڤێ نەكردی،‮ ‬ئەڤ مەشروعە لازمە بێت هەتا شنگاڵی،‮ ‬ئەڤە‮ ‬یەكە ل وان تشتێت كو د خەیاڵا مە دا،‮ ‬و ئاڤەدانكردنەڤا دەڤەرا شنگالێ ژیانەكا سەربەرز و بەختەوەر بۆ خەڵكێ ڤێ دەڤەرێ،‮ ‬دێ ئێك بیت ل ئەولەویاتێت بەرنامێ حكومەتا هەرێما كوردستانێ،‮ ‬بەس ریجایا من ئەوە كو ئنگ تەفەهومێ بكەن،‮ ‬تڤیا هەمی‮ ‬شۆڵەكێ وەختێ خو بێت و ئیمكانیەت بۆ بهێنە كردن،‮ ‬ئەمما كو بێژن ل بەرچاڤ ناهێتەگرتن‮ ‬یان حساب بۆ نەهاتیە كردن،‮ ‬حسابا ڤان تشتانا هەمیا‮ ‬یا هاتیە كردن‮.‬

تەبیعی‮ ‬ئێزدی‮ ‬و شنگال و شێخان،‮ ‬ئێزدی‮ ‬ل هەمی‮ ‬جهان،‮ ‬زۆر جهێ رێزو خۆشەویستیەكا تایبەتی‮ ‬بوون ل نك جەنابی‮ ‬بارزانی‮ ‬نەمر،‮ ‬ئو ئەڤێت مەزنێت ئنگۆ ئەوێت رەنگە هندەكێت مای‮ ‬یان ئنگۆ گوه ل پیرێت خۆ بووی‮ ‬ئەوێت گەهشتە خزمەتا بارزانی،‮ ‬چونكی‮ ‬ئەڤە من‮ ‬یا ل وی‮ ‬گوه لێ بووی،‮ ‬گۆت ئێزدیا‮ ‬غەدرەكا مێژوویا‮ ‬یا لێ هاتیەكردن،‮ ‬دوو جارا،‮ ‬جارەكێ ل بەر نەتەوەی‮ ‬و جارەكێ لبەر دینێ وان‮. ‬تڤیا ئەم هەوڵ بدەین كوڕێ ئێزدی،‮ ‬كیژا ئێزدی،‮ ‬مرۆڤێ ئێزدی‮ ‬باوەڕی‮ ‬بخۆ پەیداببی،‮ ‬لازمە بزانیت كوڕێ ڤێ وڵاتییە وئەڤە وڵاتێ وییە وئاخا وییە،‮ ‬و لازمە ب سەربەستی‮ ‬تێدا بژیت و ب ئازادی‮ ‬تێدا بژیت،‮ ‬ل دینێ خۆ‮ ‬یێ ئازاد بی‮ ‬و ل جلوبەرگێ خۆ‮ ‬یێ ئازاد بی،‮ ‬ل زمانـێ خۆ‮ ‬یێ ئازاد،‮ ‬ل هەمی‮ ‬تشتەكێ خۆ‮ ‬یێ ئازاد بی‮.‬
ئەز بیژم الحمدللە ئەڤڕۆ ئەو بۆ ئێزدیا‮ ‬یا هاتیە جه،‮ ‬مەزنترین،‮ ‬مەزنترین ئاواتا كو من هەبوو ئەوبوو ئەز ببینم ئەو موجرمێت كو دڵێ خۆ ب ئێزدیا خۆش كردی،‮ ‬بكەڤنەڤ بن پێت ئێزدیا،‮ ‬ئەڤڕۆ كەفتنەڤ بن پێت ئنگۆ‮.‬

ل هەمی‮ ‬سەردانێت خۆ بۆ درڤەو ل هەمی‮ ‬روونشتنێت خۆ دگەل ئەو شاندێت كو ل دەرڤە دهاتن،‮ ‬باوەڕ‮ ‬بكەن مەسەلا ئەوا كو ئەم هەمی‮ ‬پێ بریندار،‮ ‬ل سەرێ هەمی‮ ‬گفتوگۆیێت من دا بوویە دگەڵ هەمی‮ ‬دۆست و ئەوێن دی،‮ ‬و دێ دبەردەوامیش بین،‮ ‬و ئەز لێرە ب پێویست دزانم كو ئەز بانگەوازەكێ ئاراستەی‮ ‬هەمی‮ ‬ئەو هەمی‮ ‬كەسێت خودان ویژان و هەمی‮ ‬ماڵبات و عەشیرەتێت عەرەبا ژی‮ ‬بكەم،‮ ‬كو ئەڤە فوڕسەتەكە ئەوا وان ل دەست بێتن هاروكاریێ بكەن بۆ رزگاركردنا هەتا ئەگەر زارۆكەكیش بیت،‮ ‬چونكێ ئەڤە دێ سەروەرییەكا مەزن بۆ وانیش تۆمار كەت،‮ ‬چونكی‮ ‬ئەڤ تشتێ كو هاتیە كردن دوورە ل هەمی‮ ‬دین و ئەخلاق و رەوشتەكی،‮ ‬ئەوێ كو د ڤێ دا هاروكاریا مە بكەت،‮ ‬ئەمیش وەعدی‮ ‬ددەین چ جارا ئەم چاكییا وان لبیر ناكەین و دێ دەه قات تۆڵێ بۆ ڤەكەین،‮ ‬ئو جارەكادیش تیكرارێ دكەمەڤەو وعدیش ددەم،‮ ‬ئەوێت كو دەست درێژكردی‮ ‬بۆ نامووسا مە،‮ ‬هەتا ئاخر نەفەرێ وان ل هەر جهەكێ دنیایێ بیت ئەم ل دو وان ڤەنەبین هەتا تۆڵا مللەتێ خۆ لێڤەنەكەین‮.‬

تەبعەن ئەڤە دەمەكێ زۆرە كو ناحیا سنۆنێ و مەجموعەك زۆر ل وان گوندو شاروچكێت كو ل دەوەوروبەرێ شنگالێ‮ ‬یێت رزگاربووی،‮ ‬نەك رێكەك ئەزبێژم سێ رێك ڤەبوون الحمدللە،‮ ‬بۆ چیایێ شنگالێ،‮ ‬ئو بۆ من جهێ سەربڵندیەكا ئێكجار ئێكجار‮ ‬یا زۆرە كو پێشمەرگێت قەهرەمان ب خوینا خۆ،‮ ‬كارەكێ ئاسان نەبوو ب خوینا خۆ مە ئەڤ رێكە ڤەكردن،‮ ‬ئەمما دیسا جهێ سەربەرزیێشە كو ئەو پێشمەرگێت قەهرەمان و ئەو خەڵكێ كو مای‮ ‬ل چیایش و ل دەوروبەرێ چیای،‮ ‬پشتی‮ ‬كو ئەز چۆی‮ ‬من چیا دیتی‮ ‬و دەوروبەرێ وێ دیتی،‮ ‬ب حقیقەت قەهرەمان بوونە كو بەرگری‮ ‬كردی‮ ‬و د وی‮ ‬وەختێ‮ ‬نەخۆشدا دیفاع ل خۆ كردی‮ ‬و مەنتەقا خۆ پاراست،‮ ‬ئو ئەو پێشمەرگێت كو بەردەوامیش بووین و نەهێڵای‮ ‬دوژمن بگەهتە چیای‮ ‬جهێ دەستخۆشیێ و سەربەرزیێ‮ ‬یە بۆ مە هەمیا‮.‬

هەرچیا مە ل دەست هاتبیت بۆ خوشك و برایێت كوردێت ئێزدی‮ ‬مە‮ ‬یا كردی‮ ‬و دێ بەردەوامیش بین و ئەز باوەڕناكەم كەس وەكی‮ ‬وان بزانیتنیش كا چ بۆ هاتیەكردن،‮ ‬چ منەتیش تێدا نییە واجبە،‮ ‬خۆزی‮ ‬مە پێچێ ببووا مە زێدەتر كردبووا،‮ ‬ئەوا مە دڤێت بەری‮ ‬هەر تشتەكی،‮ ‬بزانن ئەڤ وڵاتە ولاتێ هەوەیە،‮ ‬ئەڤ خاكە خاكا هەوەیە،‮ ‬موسیبەتەكا بسەر هەوە هاتی‮ ‬یا بسەر مە هاتی‮ ‬یا بسەر مللەتێ كورد هاتی،‮ ‬وەكی‮ ‬من گۆتی‮ ‬وەكی‮ ‬وێیە‮ ‬یا بسەر فەیلییا هاتی،‮ ‬ئەوا بسەر بارزانییا هاتی،‮ ‬ئەوا بسەر گەرمیان هاتی‮ ‬ئەوا بسەر دۆڵا بالیسانێ هاتی،‮ ‬ئەوا بسەر قەرەداغ‮ ‬هاتی،‮ ‬یا بسەر دهۆكێ و زاخۆ و ئامێدیێ هاتی،‮ ‬یەعنی‮ ‬جهەك نەمایە د كوردستانێ دا كو دوژمنی‮ ‬زەڕبا خۆ لێ نەدابیت و كارەساتەك بسەر نەئینابیت،‮ ‬هەر‮ ‬یەكی‮ ‬ب نەوعەكی‮ ‬و هەر‮ ‬یەكی‮ ‬د وەختەكێ دا،‮ ‬بەس عەینی‮ ‬فەرهەنگە،‮ ‬عەینی‮ ‬سەبەبە كو كا بۆ بارزانی‮ ‬تووش بوون؟ ئێزدیش هەر لبەر وێ سەبەبێ تووش بوون،‮ ‬بۆ فەقیرو هەژارێت گەرمیان تووش بوون؟ ئێزدیش هەر لبەر وێ تووش بوون‮. ‬لبەر هندێ ل هەمی‮ ‬موهیمتر باوەڕی‮ ‬ب خۆبوون و باوەڕی‮ ‬ب وڵاتێ خۆ ل دەست نەدەن،‮ ‬ئومێد ب ئاییندەیەكی‮ ‬گەش چونكی‮ ‬ ،‮ ‬مومكینە كوفر بمینی‮ ‬بەس زوڵم نامینیت‮.‬ زالم نامينن.

جارەكا دی‮ ‬ئەز سوپاسیا هەمی‮ ‬وان پێشمەرگێت قەهرەمان دكەم‮ ‬یێت كو هەر ل رۆژا ئەوەل بەردەوام بوون و قەهرەمانی‮ ‬نواند،‮ ‬سوپاس هاروكاریا جارەكا دی،‮ ‬هەمی‮ ‬خەڵكی‮ ‬كوردستانی‮ ‬دكەم بتایبەتی‮ ‬پارێزگەها دهۆك،‮ ‬و ئەز ب فەر دزانم سوپاسیا وان شەڕڤانێت برایێت مە‮ ‬یێن كورد ل رۆژئاڤا چونكی‮ ‬واش دەورێ خۆ دیت و هاروكار ل رزگاركردنا ژمارەكا زۆر ل وان ژن و زارۆكێت خوشك و برایێت‮ ‬كوردێت ئێزدی،‮ ‬موهیم تێرەدا ئەڤێ نیشێددەت كو هەمی‮ ‬جارا‮ ‬یەكڕێزی‮ ‬و‮ ‬یەكەیەتیا مللەتێ كورد ل هەمی‮ ‬سیلاحەكێ ب قوەتترە بۆ مەو سەرپشكە بۆ هەمی‮ ‬سەركەفتنەكێ بۆ هەمی‮ ‬دەستكەفتەكێ مەزنیش‮.‬

من درێژ كرد،‮ ‬قسوریا من عەفو بكەن،‮ ‬بەس ب حەقیقەت من ڤیا كو ڤان ئاخڤتنا بۆ هەوە بكەن،‮ ‬جارەكا ئەز دبێژم هەوە باوەڕی‮ ‬ب خۆ هەبیت،‮ ‬دڵنیا بن مستەقبەل بۆ مللەتێ مەیە كو هنگ پارچەیەكا عەزیزن ل ڤی‮ ‬مللەتەی،‮ ‬دوژمن دێ سەرشۆڕ‮ ‬بیت و‮ ‬یێ سەرشۆڕیش بووی‮ ‬و ئەم ل دو ڤی‮ ‬دوژمنەیش ڤەنابین و ئەز لێرەدا زۆر ئەز ب پێویست دزانم سوپاسیەكا بێ پایان‮ ‬یا هێزێت هەڤپەیمانانیش دكەم بۆ ئەو هاروكاریا بۆ مە كردی،‮ ‬هاروكاریەكا زۆرا بۆ مە كردی‮ ‬و ئەم چ جاراش وێ ژی‮ ‬لبیر ناكەین،‮ ‬ئەمما ئەڤڕۆ ئەم دگەل هەمی‮ ‬جیهانا ئازاد ئەمێ د سەنگەرەكێ دا و سەرەڕمێ ڤی‮ ‬شەڕێ دگەل ڤی‮ ‬دوژمنەی‮ ‬مللەتێ كوردەو پێشمەرگەنە،‮ ‬لبەر هندێ ئختیارا مە ئختیارەكا راستە،‮ ‬ئەمێت د مەوقعەكێ راستدا،‮ ‬یا دی‮ ‬كو خاڵەكا زۆرا گرنگە،‮ ‬تڤیێ ئەم نەكەینە شەڕی‮ ‬نەتەوەیی‮ ‬و ئایینی‮ ‬و ئەڤانە،‮ ‬و ئەڤ پێكڤەژیانا بوسڵمان و مەسیحی‮ ‬و ئێزدی‮ ‬و هەمی‮ ‬دین و مەزهەب و ئەڤە،‮ ‬لازمە ئەم ڤێ بپارێزین،‮ ‬چونكی‮ ‬سەروەریەكا زۆرا مەزنە و‮ ‬یەكە ل سەبەبێت هەرە هەرە سەرەكی‮ ‬یێت كو ئیحتیراما مللەتێ كورد هاتیە فەرزكردن ئیحتیراما كوردستانێ هاتیە فەرزكردن ل دەرڤەو هەمی‮ ‬جیهان ب چاڤێ رێزو ئیحتیرام ڤە تەماشەی‮ ‬كوردستانێ دكەت،‮ ‬ئەڤ ئەوە عەینی‮ ‬ب نیسبەت مەسیحی،‮ ‬برایێت مە‮ ‬یێت دین و مەزهەبێت دی،‮ ‬بەری‮ ‬مدەتەكی‮ ‬ئەز دگەل وان شێخێت عەرەبا ژی‮ ‬رونشتم،‮ ‬من زۆر ب سەراحەت گۆتی،‮ ‬ئەم برایێت‮ ‬یەكین،‮ ‬برایەتیا كورد و عەرەبا،‮ ‬ئەم برایێت‮ ‬یەكین،‮ ‬بەس ئەو عەرەبێ كو دگەل داعش دابیت دوژمنێ مەیە،‮ ‬ئەمما ئەو عەرەبێ زددێ داعش بیت برایێ مەیە،‮ ‬ئەم‮ ‬یێت د سەنگەرەكێ دا،‮ ‬لبەر هندێ نابیت ئەم تەشجیعا هندێ بكەین،‮ ‬ببیتە دوژمنایەتی‮ ‬ل بەینا مللەت و دین و مەزهەب،‮ ‬ئەڤە تشتەكێ خەڵەتەو ناشبیت‮.‬

وان زۆر ب نامەردی‮ ‬شەڕێ مە كرد،‮ ‬ئەم دێ زۆر ب مەردایەتی‮ ‬شەڕێ وان كەین،‮ ‬و زۆر ب مەردایەتیش مە تۆڵا خۆ‮ ‬یا لێ ڤەكردی‮ ‬و ئەوا ماییش دێ لێڤەكەین،‮ ‬و ئەز دبێژمە هنگۆش خۆ حازر بكەن،‮ ‬انشااللە دێ دگەل هنگۆ هێین ڤێكڕا دێ چینەڤ شنگالدا،‮ ‬موتمەئین بن دێ ئنگۆ بەینەڤ شنگال‮.‬
بەس ئەڤە عەمەلیەكا مەزنە،‮ ‬مە نەڤێ لێكبێتە پارچەكردن،‮ ‬ئو ئەم ب تنێش نینە،‮ ‬لایەنێت دیشێت تێدا،‮ ‬ئەمێت پێڤە لسەر شۆڵ دكەین و انشااللە دێ بیننیش‮.‬

ل دوماهیش هەزاران سڵاڤ بۆ گیانێ شەهیدان و انشااللە دێ ئەڤێت كو ئێخسیرو ددەستێ دوژمنیش دا ب هەر نەوعێ بیت گەهنەڤ ناڤ كەسوكارێت خۆ و هەمی‮ ‬دێ ب دیتنا‮ ‬یەكودو شاد بن‮.‬

خودێ هەوە بپارێزی‮ ‬و كوردستانێش بپارێزی‮.‬

بۆ بینینی وتارەكەی سەرۆك بارزانی ئێرە دابگرە





SOURCE:: KRP PAGE HIT:: 1796