دەقی وتاری سەرۆكی ھەرێمی كوردستان لە چیای شنگال


KRP.org | |


22/12/2014
بناڤێ خودایێ مەزن و دلۆڤان

ب خۆشحالیەكا ئێكجار زۆر ئەز ب گەلێ كوردستانێ رادگەهینم و ل سەر چیایێ شنگالێ،‮ ‬پیرۆزباییەكا گەرم بەری‮ ‬هەركەسێ ل خوشك و برایێت ئێزدی‮ ‬دكەم،‮ ‬یێت كو لێرە خۆڕاگری‮ ‬و قەهرەمانی‮ ‬و داستان تۆماركردی،‮ ‬سوپاسیا پێشمەرگێت قەهرەمان دكەم كو د خیلالێ‮ ‬24‮ ‬سەعەتادا دوو رێكێت سەرەكی‮ ‬ڤەكردن بۆ رزگاركردنا ڤان قەهرەمانا لسەرێ چیایێ شنگالێ،‮ ‬رێكا رەبیعە شنگال و رێكا زومار شنگال‮. ‬ئەڤە ب هەمی‮ ‬پێوەرا داستانەكا مێژوویی‮ ‬بوو كو هاتیە تۆماركردن،‮ ‬و لێرەدا ب پێویست دزانم،‮ ‬ل سەر ڤی‮ ‬چێایێ سەركەژ سڵاڤێت گەرم ب هنێرم بۆ هەمی‮ ‬پێشمەرگێت قەهرەمان،‮ ‬بۆ گەلێ كوردستانێ،‮ ‬و لێرە ئەز د وێ باوەرێ دامە كو گیانێ پاكژێ وان شەهیدا ئەڤڕۆ‮ ‬یێ ل سەر سەرێ مە د زڤڕن و ل مە كەیفخۆشترن،‮ ‬كو ئەم ئەڤڕۆ ل سەرێ چیایێ شنگالێ،‮ ‬پاش كو هەمی‮ ‬دوژمنێت بەشرییەتێ،‮ ‬دوژمنێت مرۆڤایەتیێ،‮ ‬دوژمنێت گەلێ كوردستانی‮ ‬تێكهاتنەشكاندن،‮ ‬ئەڤڕۆ ئەوێت بەرهەمێ خوینا خۆ دبینن،‮ ‬ئەمیش ب سایا سەرێ خوینا وان ب سەربەرزی‮ ‬و ئازادی‮ ‬دهێین و دچین‮. ‬

بەرنامە بۆ مە،‮ ‬بەرنامەیەكی‮ ‬زۆر زۆرێ گرنگ بوو،‮ ‬بژل لوێ كو بەرنامەیەكێ نەتەوەیی‮ ‬بوو،‮ ‬بەرنامەیەكێ مرۆڤایەتی‮ ‬بوو،‮ ‬بەرنامەیەك بوو كو كەڕامەتا بەشەكێ عەزیز ل ملەتێ مە،‮ ‬كو كەڕامەتا هەمی‮ ‬ملەتێ مەیە،‮ ‬جارەكا ڤەگەڕێتەڤە و ئەو باوەڕی‮ ‬ب خۆ جارەكا دی‮ ‬ڤەگەڕێتەڤە‮.‬

سوپاس بۆ خودێ،‮ ‬كو‮ ‬یەك بوو ل ئاواتێت من د ژینا من دا،‮ ‬كو ئەز بێم ل سەر چیایێ شنگالێ پیرۆزبایێ ل خوشك و برایێت خۆ بكەم،‮ ‬بێژمێ بیرۆز بیت سەركەفتن،‮ ‬سوپاسیا پێشمەرگێت قەهرەمان بكەم،‮ ‬بێژمێ سوپاس بۆ قەهرەمانیا ئنگۆ،‮ ‬و سوپاسیا گەلێ كوردستان دكەم بۆ ئەو پشتیڤانیا كو نیشان دای‮. ‬الحمد للە،‮ ‬رێك هاتنەڤەكردن،‮ ‬ئەو ئابلوقا كو هاتیە دانان ل سەر چیایێ شنگالێ هاتە شكاندن،‮ ‬و ئەڤڕۆش الحمد للە تەمامێ هەمی‮ ‬مەنتیقا‮ ‬یێت هاتیە پاكسازی‮ ‬كردن،‮ ‬و باژێرێ شنگالێ ب خۆژی‮ ‬د زمنێ بەرنامێ مە دا نەبووە،‮ ‬ئەما بەشەكێ زۆر ل شارێ شنگالێ ژی‮ ‬یێ هاتیە كۆنتڕۆل كردن‮. ‬ب نیسبەتا مە چ جه نینە كو دەستێ مە بگەهتێ و دەست بپارێزین ل لێدانا ڤان تیرۆریستێت داعش،‮ ‬ئەما جارەكا دێ تەقییما ڤێ مەرحەلێ كەینەڤە و هەمی‮ ‬وەختەكیش پێشمەرگێت قەهرەمان د ئامادەنە بۆ هندێ دەرسێت دی‮ ‬نیشانی‮ ‬هەرچی‮ ‬كەسێ كو بیر ل هندێ بكەتەڤە جارەكا دی‮ ‬تەعەدایەكێ ل ملەتێ مە بكەتن‮. ‬جارەكا دی‮ ‬ئەز سوپاسیا پێشمەرگێت قەهرەمان دكەم،‮ ‬سوپاسیا خۆڕاگریا ئەڤ خەلكێ قەهرەمان دكەم،‮ ‬كو د نەخۆشترین زروفدا خۆڕاگربوون و پەندا خۆڕاگریێ و قەهرەمانیێ نیشانی‮ ‬هەمی‮ ‬دنیادا،‮ ‬الحمد للە ئەڤە ئەمێت ل سەرێ چیایێ شنگالێ ڤێ كۆنفرانسا رۆژنامەڤانی‮ ‬دكەین،‮ ‬و ب راستیش كەیفخۆشیا من چ حدود بۆ نینە،‮ ‬هەر هندەیە سوپاس بۆ خودێ،‮ ‬سوپاس بۆ گەلێ كوردستانێ،‮ ‬سوپاس بۆ پێشمەرگەی‮.‬

بۆ بینینی دەقی وتاری سەرۆك بارزانی كلیكی ئەم نووسینە بكە.





SOURCE:: KRP PAGE HIT:: 2284